أثار الممثل المصري شريف خير الله جدلاً واسعاً بعد حديثه الصريح عن معاناته المادية خلال السنوات الماضية بسبب البطالة وتجاهل المنتجين له.
وأكد خلال استضافته في برنامج “الستات” أنه يعاني ضائقة مالية بسبب قلّة العمل، قائلاً: “بعت كل حاجة بداية من العربية، على أمل هيحصل تطور، وفلوس العربية خلصت، وعندي التزامات ومصاريف مدارس وعيال فبعت بيتي، وحسيت إني ممكن أنام على الرصيف في وقت من الأوقات، وطول الأربع سنين ما قولتش شكوتي لحد”.
وأضاف: “تعرّضت لظرف مش لطيف لما عملت حادثة سير، ودخلت في غيبوبة وأصبت بكسر في الجمجمة ونزيف بالمخ، وفقدان ذاكرة لحظي لمدة أسبوع أو 10 أيام، وكان عندي يقين أن ربنا مش هيسيبني، لكن في نفس الوقت كنت بقول وأنا بنام بالليل يا رب كفاية أنا عايز أمشي من الدنيا”.
كما استنكر خير الله خلال اللقاء استعراض النجم محمد رمضان الدائم لثرائه الفاحش قائلاً: “أنا بحب محمد رمضان، وهو فنان متميز وشاطر وبيعرف يسوّق لنفسه، إنما له تصرفات بتضايقني، ماينفعش عشان ربنا أعطاك تتمنظر علينا أو على الناس عموماً، وتجيب فلوس وترميها، ليه، محمد رمضان وقف جنب فنانين كانوا مرضى وبدون ما يتكلم، وأنا من حبي فيه بقول له بلاش الحاجات دي”.
