كشف ايهاب صالح مدير أعمال الفنانة شيرين عبدالوهاب، اعتذاره عن مهمة إدارة أعمالها، وذلك بعد نجاح حفلها في جدة.
ونشر عبر صفحته الشخصية على موقع تويتر تويتة نصها: «جمهور شيرين العظيم، الحمد لله على نجاح حفل جدة كما كان متوقع وده العادي بتاع شيرين في أي حفلة.
أجلت الإعلان بالقرار ده لحد بعد الحفلة وحابب أشكركم جدا على كم الدعم الرهيب في خلال الفترة اللى فاتت ليها في المقام الأول وطبعا بعد كده ليا قررنا إن من الأفضل لينا إن نحط صداقتنا والعشرة قبل أي حاجة، وإني ابتعد عن إدارة أعمالها وده أكيد لمصلحة الطرفين ولنا أسبابنا».
وأردف: «مبروك وشكرا يا شيري من كل قلبي ويا رب أكون كنت على قد وعدي وكلمتي ليكي أنى دايما في ضهرك، والحمد لله الدنيا دارت من أول وجديد وتكسري الدنيا حفلة بعد حفلة وخلاص أهو الألبوم على أبواب ومتأكد أنه هينجح نجاح غير عادي، فرحان بشكل ملوش وصف بنجاحك ورجوعك بالقوي دي وده إللي اتعودنا علية منك طول السنين دي، وأنا كده كده دايما موجود زي ما أنتي عارفة وربنا يديم كل اللى بينا على خير وأسف لو في أي لحظة كنت قصرت معاكي بأي شكل، وأحب أشكر كمان جمهورك أكيد اللي مشوفتش منه غير كل خير وحب، شكرا بجد من كل قلبي.
وأوضح: «طبعا وأكيد شكر كبير لسيادة المستشار تركي ال الشيخ (أبوناصر) على كم الدعم الكبير من جانبه، بمجرد أنه شاف صورة رجوعك للاستوديو، وقد أيه كان مهتم بشيرين ومقدر قيمتك وتقديرك بشكل يليق بيكي وده مش غريب علية ودايما في ضهر كل الفنانين العرب كده كده دي شهادة حق لازم تتقال».
واستطرد:«ربنا دايما يحبب فيكي خلقه ويبعد عنك أي شر بكل أشكاله ويكتبلك السعادة. أتمنى التوفيق لمديرين الأعمال الجايين وادعمهم دايما بأي شكل أكيد عشان تفضلي دايما على القمة«.
🌟 جمهور #شيرين العظيم ، الحمد لله علي نجاح حفل جدة كما كان متوقع و ده العادي بتاع شيري في أي حفلة. أجلت الاعلان بالقرار ده لحد بعد الحفلة و حابب أشكركم جدا على كم الدعم الرهيب في خلال الفترة أللى فاتت ليها في المقام الاول و طبعا بعد كدة ليا. قررنا إن من الافضل لينا إن نحط…
— Eyhab Saleh (@EyhabSaleh) May 28, 2023