غرد الصحافي رامي نعيم عبر حسابه على منصة إكس
ليش ممنوع الحوار مع #حزب_الله
✔️ حزب الله حزب عقائدي ديني، الوطنيّة عندو ما بتجي قبل مشروعو السياسي اللي هوي اساساً ديني ومربوط بالتاريخ والجغرافيا. فالحوار معو ما بينفع طالما الأولويات مختلفة وما في إمكانية تتعدّل
✔️حزب الله من الـ ٢٠٠٥ لليوم ما قدّم ايا تنازل حتى بالحوار اللي صار بالدوحة واللي صار بـ #لبنان كان عم يفرض شروطو مستقوي بسلاحو من ميل وبعلاقتو وقتا بـ سعد الحريري و #التيار_الوطني_الحر وتخويفو لـ #وليد_جنبلاط تارة بمحاولة قتل مروان حمادة وتارة بالتهويل بقتل جنبلاط شخصيًاً وطوراً بـ ٧ أيار. فأي حوار تحت السلاح ؟
✔️حزب الله ما تحاسب ولا مرة على أي إرتكاب لأنو أقوى من الدولة وما قبل بولا محكمة لا محلية ولا دولية ومرجعيتو الوحيدة هيي “ولاية الفقيه” والنظام الإيراني وكل ما يخدم هذه الأجندة. وكيف بدك تتحاور مع حدا مش معترف أصلاً بالدولة.
✔️حزب الله صار بلبنان جناح من أجنحة عسكرية وسياسية امتدّت لسوريا وللخليج ولليمن سياسياً وعسكرياً وهددت أمن البحرين والإمارات والسعودية. كيف بدك تتحاور مع جناح قرارو من دولة كبيرة وآخدي القرار سلف بتنفيذ أطماعا وتحقيق حلما
✔️حزب الله لم يعترف حتى اليوم بشهدائنا اللي سقطوا ت حررنا لبنان من الإحتلال الفلسطيني والإسرائيلي والسوري والفرنسي والتركي وهلّق الإيراني. كيف بدك تتحاور مع حزب أصلاً مش معترف فيك وبتاريخك وبدمّك.
✔️الحوار مع حزب الله بيصير طبيعي لما الحزب بيعترف باللي عم يتحاور معن. بالشهدا بالدستور بالقانون بالتاريخ والجغرافيا بنهائية الكيان بـ #بشير_الجميّل وبس يعترف بكل هول مش ضرورة بقا يصير في حوار لأنو منكون صرنا كلنا لبنانية
#القوات_اللبنانية