“قبل ما تفتح باب جهنم عليك وعلينا”… صادق لـ السيد: رح تنهدّ الضاحية فوق ناسها!
كتبت الإعلامية ديما صادق، في منشور على حسابها عبر منصّة “إكس”، متوجهة إلى الأمين العام لحزب الله السيد حسن نصرالله: “بالمناسبة يا سيد، بالـ2006 “لم تكن تعلم”.
وتابعت، “من الـ2006 لليوم ، يعني ب 17 سنة صرت تعلم شو ممكن يصير او لا؟”.
وأضافت صادق، “إذا بعدك لا تعلم خللينا نعلمك: رح ينمحي الجنوب عن بكرة ابيه، رح تنهد الضاحية فوق ناسها، ح يصير في حركة نزوح غير مسبوقة بس حزار شو؟ حيكنش في محل يستقبل النازحين، لان سوريا تلات ارباع اهلها مش طايقينك، واللبنانية من الكحالة لخلدة لشويا لبيروت مش طايقينك، و اهل بيئتك اللي اصلا عم يصرخو بالسر ضدك من الجوع والشحار اللي وصلتهن لاله رح يصرخو ضدك هل مرة بالعلن لما ترجع تتهدم بيوتهن فوق روسهن وروس ولادهن، ومش رح تقدر تراهن عل خليج يرجع يبنيلك الضاحية والجنوب بعد ما هتفت الموت بآل سعود وبعد ما ما خلليتلنا صاحب يضطلع فينا”.
واستكملت، “ومش رح يكون في عنا حدا يقدر يحكي عنا بالمحافل الدولية بعد ما قتلت رفيق الحريري وقضيت ع كل الطبقة اللي ممكن تمثلنا بالمجتمع الدولي، اللهم الا اذا كنت معتمد ع وزير الثقافة اللي هلل لمقتل سلمان رشدي هو اللي يشرح وضعنا للمجتمع الدولي”.
وختمت صادق، “ف الله يرضا عليك يا سيد اعلم منيح شو ممكن يصير قبل ما تفتح باب جهنم عليك و علينا بس كرمال ترضي الولي الفقيه”.