كتبت الاعلامية ديما صادق، في منشور على حسابها عبر منصّة “إكس”، ردّاً على من يتهمّها بـ”العمالة”، على مواقع التواصل الإجتماعي: “فشرتو! شوفو، سكتت كتير كتير لان اطفال غزة اولوية بما لا يقاس. ولكن طفح الكيل و لكل شيء حدود”.
وأضافت، “هذا التخوين وهدر الدم وهذا الكفر لن اسكت عنه. نحنا عملاء؟ طيب ما زال الامور وصلت لهون، مش انا اللي اعطيت حدودنا ونفطنا للاسرائيلي. مش انا اللي طلعت العميل عامر فاخوري. مش انا اللي قلت بدو يبلش الحديث بترسيم الحدود البرية مع الاسرائيلي”.
وتابعت صادق، “العملاء هني اللي اعطوا نفطنا وارضنا الاسرائيلي، مش اللي اعترضو ع هل شي. على هذه الصفحة اللي انتو ساكنين فيها ليل نهار على نفس هل صفحة في عشرات التويتات اللي بتندد باعطاء نفطنا لاسراييل، في عشرات التويتات اللي بترفض تسليم العملاء لاميركا”.
واستكملت، “بس اعور الدجال ما بشوف الا بعين وحدة. ما شايفين على هل صفحة الا صورتي مع السفيرة الاميركية؟ ممتاز. انا بقول علنا للسفيرة والادارة الاميركية ان سياستها سياسة اجرام وادينها علنا، بدليل صارخ على انه نحن ما منتبع لحدا”.
وأردفت، “حضراتكم بتقدرو تفتحو تمكن بحرف، حرف واحد ينتقد مش يدين، مجرد ينتقد سياسة حزب الله او ايران؟وبخصوص الترسيم؟ بخصوص فاخوري؟ بخصوص وعود لم ينفذوها؟ مين بكون العميل، التابع الراضخ اللي بيتبع عل عمياني؟ او اللي بدين كل الاطراف، حتى لو كان على علاقة جيدة معهم؟”.
وختمت صادق، “لن اسكت على هدر الدم، نعم فلسطين اولوية لكنها ليست حجة لترهيبنا.خسئتم!”.
فشرتو! شوفو. سكتت كتير كتير لان اطفال غزة اولوية بما لا يقاس.و لكن طفح الكيل و لكل شيء حدود. هذا التخوين و هدر الدم وهذا الكفر لن اسكت عنه. نحنا عملا ؟ طيب ما زال الامو ر وصلت لهون ، مش انا اللي اعطيت حدودنا و نفطنا للاسرائيلي. مش انا اللي طلعت العميل عامر فاخوري.مش انا اللي… https://t.co/T0cmljIjNg
— Dima ديما صادق (@DimaSadek) November 6, 2023