تحدث رئيس التيار الوطني الحر جبران باسيل في عشاء هيئة قضاء المتن وقال “المتن الموجود بوسط خريطة لبنان هو الممرّ الجغرافي ما بين المناطق والقلب، وهو الممرّ الفكري ما بين مكوّنات الوطن واحزابه. التيار بيشبه المتن بانفتاحه وبتنوّعه الطبيعي والثقافي والاقتصادي، وبروح التسامح وعدم التعصّب عند اهله”.
اضاف “لحتّى هالمداخيل الاضافية تساهم بإعادة جزء من اموال المودعين، طبعاً من بعد ما المصارف تشارك بحصّتها المسؤولة عنها ومن بعد ما المصرف المركزي وحاكمه السابق يردّوا الأموال يلّي نُهبت بالهندسات والسمسرات. وخاصةً برج حمّود والنبعة، المنطقة العزيزة علينا، ويلّي اصلاً عم تزيد المشاكل فيها بين اهلها، ويلّي شفناه من اسبوعين من تعدّي وقتال هو غير مقبول بين اهل مفتَرض يكونوا عايشين سوا من سنين بتآخي ومحبّة، ومش باعتداءواستقواء وهي مظاهر ما بتشبه المتن وأهله وسلميّتهم وتسامحهم. مشاكل المتن كثيرة، المياه والكهرباء والصرف الصحي والمواصلات وعجقة السير والزبالة. وغياب الدولة وتحلّل مؤسّساتها زادت من المشاكل متل تسكير الدوائر العقارية ومشاكل الميكانيك ومعاناة الناس معهم وحرمان الدولة من مداخيلهم، زيد عليهم مشكلة النازحين غير الشرعيين”.
تابع “قدمناهن لنوحّده بالانماء، وبالمركزية النقدية والدفاعية والخارجية. الصندوق الائتماني مش لنفرّط بأصول الدولة وممتلكاتها، بالعكس لحتّى نحافظ عليها ونزيد لها من قيمتها ونستفيد منها لتقديم خدمات جيّدة للمواطنين ونزيد مداخيل الدولة منها لحتّى نعمل اعمار على المستوى الوطني قدّمنا القوانين وقدّمنا الشكاوى بالقضاء، قدّمنا التدقيق الجنائي واشتغلنا على اللامركزية والصندوق الائتماني. اللامركزية لحتّى ندعم حق كل اللبنانيين بالانماء المناطقي من الأموال يلّي بيدفعوها ببلداتهم، لحتّى كل بلدة ومنطقة تستفيد من ميزاتها وقدراتها ومش لحتّى نقسّم بالبلد، بالعكس! وبيّنت جرائم Fory و Optimum والهندسات المالية- بالداخل وبالخارج، لاحقنا نحنا والقضاة الأوادم، الحراميي متل رياض سلامة! نحنا نصرّخ لوحدنا مع بعض الأوادم والبقية ساكتين ومتفرّجين لا بل معرقلين!.