الهام شاهين تروي اسرار زواجها وطلاقها من رجل الاعمال اللبناني عزت قدورة
كشفت الفنانة إلهام شاهين، تفاصيل زواجها من رجل الاعمال عزت قدورة دون ان تذكر اسمه موضحة أنها انفصلت عنه بسبب إخلاله باتفاقهم على مدة معينة لإعلان زواجهما للإعلام، بجانب تعليقها على الجدل الذي أُثير بسبب تصريحاتها عن الصلاة.
وقالت إلهام شاهين، في تصريحات تلفزيونية: اتجوزت راجل متجوز بدون علم مراته لأن كان فيه قصة حب، وإحنا معملناش حاجة ضد الشرع ولا القانون، والتصرف مكنش غلط، ولكن مراته كانت عارفة لأننا كنا مع بعض في كل مكان، ولما تجاوز المدة اللي متفقين عليها ومأعلنش اتطلقت منه، ويمكن يكون ده أكتر راجل حبني في حياتي بالشكل الجنوني ده، كان صادق جدًا في حبه بس الحب ده خلاه غيور إلى حد الجنون وكان عامل قيود في كل حركة وكلمة وصورة ومكناش مرتاحين ولا أنا ولا هو.
وتابعت إلهام شاهين: اتجوزنا لمدة سنتين ونص، والعصمة كانت في إيدي وقالي ما أنتي الراجل روحي اعملي الطلاق، وكان بيقولها بسخرية واتجنن لما عملت الطلاق، وأنا مُقدرة جدًا أنه وافق أن العصمة تبقى في إيدي، لأنه لو مكنش بيحبني بالشكل ده كان قالي لأ لأن ده شرط يخسف وشرط تعجيز، وأنا طلبت الشرط ده لما قالي نأجل إعلان زواجنا في الصحافة والإعلام، ولكن كل اللي حوالينا يعرفوا، وطلبت أن العصمة تكون في إيدي علشان هو لو موفاش بوعده في ميعاد إعلان الزواج أعرف أنا أتمم ورق الطلاق، وأنا مُقدرة ده ليه جدًا لأنه طلب سخيف من أي ست وبيضايق الراجل، ولكن اللي توقعته حصل.
وواصلت: عائلته كانوا عايزين يخلصوا مني من كتر ما هو مجنون بيا، ودفعوا فلوس لـ حد علشان يرمي عليا ماية نار، والحقيقة هو كان راجل كويس أوي. بالرغم من انها في الماضي كانت تتهم عزت قدورة بانه وراء استئجار احد البلطجية بهدف تشويه وجهها .